الخدامه ماعندها احساس

اليوم قعدت من النوم بعد الفطور 

طبعا مابقى شي .. اكلت بطاط مسوينه الجيران ومطرشينه لنا مع شوربه ومعكرونيا بالباشميل

بس اكلت البطاط وكان لذيذ

مو اهني السالفه

يوم قلت للخدامه سوي لي قهوه ..  (( عاد وقتها يكون شعوري وانا قاعده ودايخه وابي قهوه شلون يكون ))

ترد الخدامه بكل بروود  ابرد من وجه فهد المطيري ..وتقول :  مافيه قهوه خلصت 

انا وجهي صاار كاني شايفه شجوون منصدمه من امها وهي تغازل زوج اختها

جتني رجفه على دمووع على احساس اني قويه وبقوم اطقهاا

آآآآآآخ  يااارااسي  >> حزتها مو الحين

عاد قلت امري لله .. اقوم واشوف لي قهوه غير عربيه  :(

لقيت عندنا هالثلاث قهواات  

سويت هذي  

بس مع حليب .. لان جربته مره مع ماي ماعجبني

ونفس الشي حتى مع الحليب ما عجبني

ياربي ودي ودي اسوي قهوه حلوه بالبيت مثل الكافيه اللي بمحطات سعوديه نمره كل ماسافرنا .. حبيت البانزين والسبه قهوتهم

عاد انا لي مااضي حلو مع القهوات

يعني مرره ..أياام الجامعه كانوا حاطين ماكينه القهوه  يم حمام الشباب  .. يعني يع يع

والشباب اموت واعرف شنو يسوون بهالحمام .. لا افتحوا الباب الريحه اللهم ياكافي .. تقول ماكو عامل ينظف وراهم

قمت احس ريحتهم بطعم القهوه

وقمت اشتكيت >> عند بطنها ماتسكت على الحق

وقام وااحد اطرق الله يخليه لامه وابووه .. ويوفقه ويرزقه بحيااته .. ويجمعنا فيه كلنا بالجنه انشالله 

قام وغير مكان القهوه .. 

لاتشوفون كشرتي وانا اشوفهم مغيرين مكانها ,, بقيت اكتب اسمي عالقهوه هههههههههههههههههههههه

المهم  

ان حلم حيااتي اللي يطري في بالي الحين .. ان اسوي قهوه بالبيت أطلق من قهااوي محطات السعوديه :)

,,  بس عوضتها عالسحور .. عقب ماتسحرت برجر لحم وميرندا .. وصحن بطاط مهروس مع كريمه وجبن وذره

شربت قهوه عربيه .. وعدلت مزااجي :)

انا ماحبه بس حبيته

بما ان رمضان فالموضوع الاول من بعد الافتتاحيه مباشره بيكون عن الاكل طبعا :)

احلى شي بالدنيا الاكل

انا احس ان أصدق حب ..وأطهر حب .. اللي مستحيل تكون فيه خيانه وغدر وطعن بالظهر

هو حب الاكل

انا حبيت شجون في مسلسل أميمه في دار الايتام لانها ابطــيــنيه :$

................

ماعلينا  .. خل اقول شنو الاكله اللي ماكنت احبها وحبيتها ..لان لو بتغزل بالاكل ماراح اخلص

الاكله اهيا (( صينيه الباذنجان بالبقسمااط  ))

يمكن الصوره ماتغري .. ويمكن لان البايركس صغير ..ولان نصه مأكول .. بس والله لذييييييييييذه ..

المقادير :   دجاجه \ باذنجان \ جبن قلاص \ قشطه \ بقسماط \ نص مكعب ماجي \ فلفل اخضر بارد \ بصل \ جزر \ كريمه حمرا (( اذا مالي خلق للدسم الغيها ))

الطريقه :   - >تقطع الدجاجة (بدون عظم ) قطعاً صغيرة ثم تحمس مع البصل والثوم شويه والجزر والفلفل الاخضر والماجي

- >يقطع الباذنجان حلقات ثم تقلى في الزيت وتصفى , ثم تـصف في صينية 

- >ويوضع فوقها الدجاج ثم نغطي الدجاج .. وفوق الدجاج حطيت جبن موزريلا ..ثم نغطي الدجاج  بطبقة أخرى من الباذنجان 

- > نخلط الجبن مع القشطه والكريما الحمرا شوويه ثم نسكبه على الباذنجان ثم نرش فوقه البقسماط وندخله الفرن 

وبــس :)

** ملاحــظــه : أنا مااحب الباذنجااان كلش .. بس من اكلت هالاكله .. صار من عشااق بطني :*

الافتتاحيه :$

بسم الله الرحمن الرحيم  ..

لحد يحكم عالمدونه على طوول .. انا حاسه ان بتكون مدونه مهمه بيوم من الايام

واللي ماتعجبه  يشوف كم طوفه في بيتهم ويصقع راسه بكل حنيه :p

>> مدري ليه اكتب وانا معصبه هههههههههههههههههههههه

والله مدري شقول في هذه المناسبه .. انربط لسااني :$

المهم حيااكم الله .. ويابخت في من زار وخفف 

وقــهــــووه يااحســين :

** مــلاحــظه : قبل وجبه العشاء صـعدوا غصن البازلاء << راح نعلمكم عن البازلاء بعد