الثلاثاء، 14 سبتمبر 2010

من الفراغ اتعلم الطبخ

اليوم قعدت من النوم الساعه 7 وثلث .. من تلفوني دق ..بس مارديت هههههههههه مالي خلق

وصوتي حلو حيييييل لاقعدت من النوم :p


طبعا اول ماقعدت ماتحركت ..لازم اريح شوي.. من عاداتي وتقاليدي اول مااقعد من النوم ارتااح

قمت من فراشي الساعه 9 تقريبا او قبلها  بشوي

دقيت تلفون على كل المس كوول عندي >> 3 مكالمات

ورديت على مسج وااحد

>> تكتب تفاصيل دقيقه ههههههههههههههه


وكنت ابسير .. قعدت افكر .. دزيت مسج لوحده من بنات العايله قالت انا طالعه :(

ويوم لقيت ناس بروح لهم .. مالقيت احد يوديني :(


>> سيارتها انسحبت منها من تخرجت :(


صارت فيني حاله احباط وملل 

شبكت فيس بوك ومنتدى كويتيات ومنتدى عكس الريح ومنتدى محشش واقرا جرايد

وبوقتها .. قلت خل اكمل الجدول اللي قايله بسويه دام اني معطله والحكومه ماوظفوني

:(


انا من عطلت ناويه اتعلم الطبخ .. وسويت قبل كم طبق 


سويت طبق ماخذته من كويتيات اسمه (( دجاج مفتت بالقشطه ))

طبعا صورته .. بس ماصورت الخطوات كلها >> جل من لا يسهو


المقادير : - دجاجه تسلق ويفتت لحمها مثل الشاورما  (( انا استخدمت شاورما مثلجه ))
- بصل يقطع صغير
- فص ثوم
- بهارات
- فلفل رومي مقطع صغار
- علبه قشطه 
- علبه فطر مقطع
- 3 ملاعق جبن قلاص
- جبن موزاريلا

الطريقه :

- يوضع الدجاج المفتت كطبقه في البايركس 




- يحمس البصل في الزيت ثم يوضع الثوم والفلفل البارد والفطر ثم البهارات تم يوضع فوق الدجاج





- تخلط القشطه والجبن في الخلاط ثم تصب على ماسبق

- يرش السطح بجبن الموزريلا وتدخل الفرن

(( ينصح بتقديمها مع الخبز والسلطه ))


وهذا شكلها النهائي 








وبصص


>> ادري ياشيني لاتكلمت بالفصحى :$




\
/
\
/
\
/
\
/


مـن ع‘ـقب تسع {شهور} الح‘ـين صدقت
طبـع البنـيه لـآ تولـعت رآحـت

الاثنين، 13 سبتمبر 2010

ترتيب تايم 2

مدري ليه مستانسه وانا اصور اغراضي ههههههههههههههههههههههههههههههههههههههه

المووهم..

نبدأ .. start

.
.
.
.
العطورات الخليجيه

هالعطر رقم واحد عندي .. والله بدون بخوور ورووعه
من وحده كويتيه تبيع بأرض المعارض بمشرف 
اسمها (( فدك ))

....



من اليمن
1- عطر من المركز الملكي .. ريحته كانه مخلط او دهن عوود 
2- عطر من الرياض .. ماله اسم لانه المحل خلطه لنا (( هديه من اختي :$ ))
3- عطر (( تجويد )) من الرصاصي .. حلوه ريحته مع البخور
4- كوثر .. من الشايع .. امممممم ماعجبني مو حلو :/

....




من اليمين

1+ 2 .. من الريااض .. مالهم اسم
3- من محل بحريني نزل في معرض العطور بمشرف .. يمكن اسمه تاج محل ..ناسيه والله
4- عنفر
5- دهن عود المقام ((موجود بمكه في زمزم)) .. عجيييييييييييييييب

....



من اليمين

1+2  من المركز الملكي .. رووووعه
3- تايجر .. من الفودري (( هديه من محووقه ))
4- كريستي مادري شنو ..من الرصاصي .موحلو :/

....




هالمره من اليسار :p

1- مادري من وين .. بس حلوو ..ومو انا شاريته .. ناسيه اصلا من منو سارقته :$
2_  belle rykiel هو كاتبين عليه ميد ان ايطاليا .. بس ليش اعتبره خليجي مدري هههههههههههه
المهم .. ريحته عاديه .. مادري مااستخدمه .. حاطته منظر
3-  royal red .. هذا بعد مو خليجي .. بس انا كيفي ابعتبره خليجي
حلوه ريحته :)..
بس ناسيه ..شكلي مو شاريته .. سارقته

>>وتعيبين عالعتبان بعد :p

....




من اليسار .. جعلنا الله من اصحاب اليمين 

1- عطر اشهر من نار على علم ..عطر المحبه من أجمل .. معاه قلب حب سلسله رووعه
2- TUIGA .. هذا عطر كاتبين عليه فرنسي .. اتوقع شاريته من الرصاصي
3 - عطر من سيد جنيد .. حلو هالعطر مع البخور بس .. مادري ليش مو مستخدمته واجد
اكيد انه غالي ههههههههههه
4- عود مبخر .. احب هالعطر ..اذا كنت مستعجله ومايمديني اتبخر..
مثلا جونا نااس دعله فجأه ومامداني اررشه كأني متبخره 

>> اهم شي انج تعطين مثال عالشرح 

....





دهن العوود المفضل عندي :)

....



صورة جماعيه لعطوراتي الخليجيه 
هههههههههههههههههههههه

>> وحده فااااضيه 


....


الآآن العطورات الفرنسيه 




هذي صورة جماعيه
....





لابيرلا + قيس + سكسي 212 + لوليتا 
>>الاخير هديه من مصر

>> مو من ناصر :p

....




دولتسي ان غبابنا >>احب انطقها كذا 
عطر من فرساشي >>يع يع

عطر تقليد لانكوم >> حلو نوعا ماا ..يصلح للسياره :p

الاخير الصغير ..تقليد سكادا 

....





الوردي لبنانيه فصعه من بيضون قصت علي وخلتني اشتريه >> ايا المقصه .. طلعتي مقصه  

:(  :(

والثاني ديزل ..عجيييييييييييييييييييييب  


بس للامانه مااستخدمت الديودرن حقهم :/


....




عطر اليزابيث مع اللوشن

شريته من مطار مصر >> يعني شوفوا ترى انا اسافر :p

المهم .. مو شي :/

....




هذي صورة جماعيه لعطوراتي 

cheeeezz

:p




.....




عطر للجسم + لوشن ..بالبندق




....



وختامها بالبخوور 




خنجر + معمول المعاريس+ معمول الرصاصي ..امي حاطه شويه لي 
تقول تلعبين فيه انتي :(  :(

>> امي ماتحترمني هههههههه

وشمعه بريحه الفانيليا


وبسسسسس


/
\
/
\
/
|





حنا على الدنيا .. ودائع / أمآنات ..


و آلموت يآخذ كل يوماً - ودآعـه - ..

نحسب حساب أربآحنا فـ التحيات ..
و إذا خسرنآ { مآ نصلي جمــاعه } ..

نجمع وصخ دنيا .. و نجمع عقآرات ..
نخسر بـ نفس الوقت .. كنز القناعه ..

و نبني مع كل الأوادم ( علاقــآت ) ..
و حنّآ مع رب الأوادم .. { قطــاعه } ..

الأحد، 12 سبتمبر 2010

ترتيب تايم 1

قبل العيد  بيوم لازم ارتب غرفتي 

هذي من العادات والتقاليد عندي ..  >> شكلها من عيد لعيد ترتب :p

مدري ليه كل مره ارتب غرفتي .. تجيني دووخه واحس اني برجع .. ومرات ظهري يعورني

مع اني مو دايم ارتبها .. معتمده عالخدامه .. يمكن مره بالشهر ارتبها انا وباقي الايام خدامتنا

بس قبل امي فصلت علي .. وماخلت الخدامه ترتب غرفتي .. طبعا ماتفرق معاي انا

السرير .. احس مايحتاج ارتبه .. لان برد انام عليه وطبيعي يتعفس >> تفكير سودانيه :p

اما الملابس اطلعت برا الكبت .. والتواليت والكومودينات ماينشاف شنو فيها من الاغرااض

والله والله مااعرف ارتب الغرفه .. يعني ارتب جزء منها .. القى الثاني معفوس

ارتب المعفوس .. القى اللي مترتب تعفس

انجنيت .. وربي تعذيب نفسي ترتيب غرفتي

مره خدامتنا مدري شسوت .. وامي عصبت عليها وبتعاقبها .. بدال ماتخصم من معاشها او تهددها بالخصم حتى

قالت لها روحي رتبي غرفه (( على هونك )) ههههههههههههههههه

مااعلينا .. وانا ارتب قعدت اصور للذكرى هههههههههههه

اصور اغراضي مو انا طبعا ..

ابدأ بالميك آب ..



هذي صورة جماعيه .. وانا اصور اقول say cheeeezZ    هههههههههههههههههههههههههه


....




وهؤلاء الكريمات .. الفاونديشن >> اخوص يامتطوره

1- كريم حنان دشتي .. ويع ويع ويع ويع .. بالبدوي: يع يع يع يع .. فيه معاهم كريم ماصورته لانه مادري وين حاذفته
يا ان تحسفت ان شريتهم .. اول مااحطه حلو .. وبعدين يقعد يتوزع مادري شيصير فيه ونصه مادري وين يختفي :/

2- كريستيان ديور : طبعا هذا كان كان حق اختي .. بس من شرته سرقته ههههههههههه .. الكريم حلو بس مايصلح للبشره الدهنيه ابد

3- ماكس فاكتر : الاثنين اللي تحت روعه روعه رقم 101 ورقم 100 .. واللي فوق المدور بعد روعه ومايصلح للبشره الدهنيه
>> خلاص درينا ان بشرتج مو دهنيه ههههههههههههه

4- سوبر كلور : اممممممممم حلو .. زين بس يصلح للمناسبات .. بس ماكس فاكتر احسن >> اجل ليه شاريته 

5 - استي لودر : هذا بعد مو طبيعي .. بس احس اللي ماخذته اول ماحطه يصير لونه حيل فاتح بس تمر نص ساعه يصير غامج .. ليه مادري .. الخلل بوجهي او فيه .. مدري  :/

6- كريم تقليد مو ماركه غولد + البودره مالته : امممممممم مو شي .. اهو تقليد لماكس فاكتور .. بس كوولش مو زين

7- بودره سمايلنق : عجييييييييييييييييييييييبه .. لمن اسنع بشرتي فتره من خلطات وكريمات طبيه .. لمن احطها بروحها بدون كريم والله تطلع روعه  .. عزااه يا 2009  :(

8 - كريم شاريته من المنصور مكتوب عليه رقم 24.. ناسيه شنو اسمه ..ومالي خلق اقوم اشوف اسمه .. الطاوله قدامي بس عجزانه اقوم 
:/

....






هذا لانه ماركه وشاريته بفلوسي مو سارقته فمحافظه عليه بكرتونه هههههههههههههه

كونسيلر + كوركتر من بوبي براون 

....




مسكرااتي 
1- من بودي شوب >> سارقتها من اختي 
2 + 3 - مسكره عجييييييبه يمكن بثلاث دنانير .. من الهنود
4- مسكره من كلارنس : خساره ال 12 دينار عليها .. تجيب المرض .. بفلوسها لو شاريه لي 6 وجبات احسن لي :/
مع برد بعد :/
5 - مسكره من كارازا : روعه >> بعد سارقتها من اختي




آي لينر من محمود سعيد + كحل اخضر من مكياجي + قلم بني وذهبي + تاتو حواجب + كحل قلم من مكياجي روعه روعه + كحل قلم من نكتار ..

....



حوومرااتي :*


....




انا كلش مو صديقه مع صبغ الاظافر .. مااحطه الا بمناسبات .. عشان كذا استخسر ان اشتريه 

اذا صارت مناسبه .. اروح لغرفه اختي واحط هههههههههههههه

اما الاربعه اللي فوق .. مدري وش احس فيه يوم شريتهم

يمكن مجامله للي يبيع .. يمكن وقتها لبناني كان يبيع ..

اصلا حتى الالوان ماتنبلع .. طبعا الاصفر من 4 شهور تقريبا شاريته 
هذا اذا مو اكثر

ناسيه والله .. محوقه تذكر يوم صبغت اصبعي الصغير اصفر .. واداوم بالجامعه بكل ثقه بعد

اما الثلاث الباقي فشاريتهم قبل سنه ونص .. 
البنفسجي وصخ غطاه .. دليل قله اهميته عندي ههههههههههههههههههه

....




آآه ياقلبي .. والله الشدو جديد شاريته ماركه مبروك >> من سرداب الشايع
بس من زود السنع عندي .. طاح وانكسر :@

بعض الالوان رااحت .. الحمد الله سلموا البقيه الاغلبيه

اما الاسود الصغير .. واحد من مكياجي والثاني من رد ايرث

واللي فيه بني مع ذهبي .. من نوبا

والثلاث اقلام شدو .. مادري شاريتهم من محل بمكه 

....



اللمعاات
الذهبيه اللي بعلبه حمرا من مكياج المنصور .. عجييييييبه

الفضيات الصغار .. وحده من ميك اب فور ايفر
والثانيه مادري لاني سارقتها ولا مره استخدمتها هههههههه وعجزانه اقوم اشوف اسمها

اما العلبه الشفافه وغطاها وردي فاتح : من وحده سوريه تبيع بمعرض مشرف
هم حلوه بعد 
....



هذي لمعه فيها 3 الوان .. ذهبي وفضي وبرونزي

للجسم ..

....



الفرررش .. واللي بالنص للخدود من بودي شووب 
يستخدم حتى بدون كريم اساس .. يخلي الخدود تورد :)

....



هذيلااااااااااااااااااا  نسيت اصورهم بالاول
قلوس + حمرتين + لمعه من حنان دشتي

....



مرطب شفايف .. الاول من الصيدليه بدينار
والثاني بطعم الليمون من الجمعيه

....




مسك القرشي .. وله استعماالات كثيررررررررره عندي

ابشره واحطه بكبت الملابس .. او جنطه السفر .. غسول شخصي .. و..و..و..الخ :p


....


عدساتي .. 

من بعد هالصوره قطيتهم كلهم بالزباله وخليت المحلول حقهم بس

لانهم قديمات ..ولا لبست اخر وحده شريتها راسي يعوررني ليما افصخها

اخر وحده شريتها شهر 11 2009 
ههههههههههههه

واهما اصلا يقولون حدها شهر او شهرين وتنتهي 

وانا ماازلت محتفظه فيهم :p

....



برايه الكحل :)

....




لووول هذي خلطه تفتيح .. بس مااستعملتها على وجهي خفت لانه كله كورتيزون

وبهالرابط الكريمات المستخدمه بالخلطه



اهم شي العلبه ..حقه ورق عنب هههههههههههههه

....




هذا غسولين .. الاول من صيدليه من مصر ..حلو بس ريحته كأنه دوا
والثاني : ريحته رووعه  كانه عطر من لانكووم


....



هذي قرشه .. حاطه فيها 3 لووشناات .. كانوا كل واحد فيه نص ..رحت خلطتهم مع بعض بقرشه وحده 
اختصار هههههههههههههههههه

>> حتى السودان ماوصلت لهالاختراع :p

....



هذا ماي الصودا .. ينخلط مع بيكنق صودا ..لتفتيح الاماكن الداكنه بالجسم

هههههههههههه ياهالامااكن 

....



لوشنااتي :$

الاول : من الفودري .. هديه من محووقه :$

والباقي يجون مع عطوورات.. بس الابيض فيتامين c

....




هذول وصفتهم لي دكتوره مع عيسى بشوور

من اليسار : غسول للوجه
الثاني : مقشر
والثالث : كريم تفتيح 

خسااااااااااره .. غالين عالفاضي 

....



الاول : كريم حمايه مع تفتيح اسمه ماجك لوك (( من مصر ))
الثاني : كريم حمايه وفيه نسبه كريم اساس (( من السعوديه ))

ليه مدبق مدري ههههههههههههه

....




الاثنين : غنين عن التعريف ..كريم تايلندي

اللي ورا : زيت جنين القمح

الابيض : تريتوسبوت ..كريم تقشير

....



الصوره تعبر مايحتاج اشرح هههههههههه

....



الاول : لمعه للجسم من بودي شوب ..رووعه

والثاني : لوشن من نكتار ..عجييب لمن احطه كان متبخره مع ريحه عطر 

....




الاول : كريم تان مؤقت >> من بياضج عاد :p
الثاني : كريم بس ثقيل شوي ..يعطي لمعه .. حلو للسيقان
الثالث : رغوه للشعر .. ابد مااستفدت منها .. ماعرفت لها .. او ان شعري ماينفع معاه :(

....




هذي كل ماخلصت اعبيها ماي ورد .. ارشه على وجهي

حلو .. يخلي البشره فيها حيااه

....




وطبعا هذا الاكسجين

>>الصوره من الحمام مو من غرفتي :p



.. بس تعبت 

يتبع اغراضي في بوست ثااني 


**ملاحظه : وانا اكتب حسيت بشعوري وانا ارتب غرفتي جتني دوخه واحس اني برجع

>> حاالتي صعبه :/


..........
\
/
\/


الله بلاني ب(العقل)و ش أسوّي؟
دربي يميل ولا يميل اعتدالي

حيّرت في ممشاي حيلة عدوّي
لين اقتنع في طيبتي وانثنا لي

هذا وانا في سكّة الحب توّي
بأوّل خطاوى رحلتي وارتحالي

من عافته عيني ..هفا من علوّي
ومن حبّته نفسي ..سكن بالعلالي